7 relatos curtos contra a violencia de xénero. I Concurso de relatos curtos contra a violencia de xénero

Abstract

Con motivo da conmemoración do Día Internacional para a Eliminación da Violencia contra as Mulleres, a Universidade de Santiago de Compostela, a través da Oficina de Igualdade de Xénero, convocou o I Concurso de Relatos Curtos contra a Violencia de Xénero en outubro de 2012. Esta iniciativa foi dirixida ao alumnado, co obxectivo de fomentar a súa formación en valores como a tolerancia cero á violencia de xénero. Cabe destacar que a convocatoria tivo un considerable grao de participación con 105 relatos presentados. Queremos agradecer a valiosa colaboración do xurado –composto por Teresa Moure Pereiro, Manuel Núñez Singala e Manuela Palacios González– que seleccionou os sete relatos finalistas e, entre eles, concedeu un premio e tres accésit. Coa difusión desta publicación facemos partícipe a toda a nosa comunidade universitaria desta actividade de sensibilización contra a violencia de xénero.