| Abstract: | Entrementres dáme a man (escolma)
(Selección e Traducción: Haizea Barcenilla e Arsenio Iglesias Pazos).
Kirmen Uribe (Ondarroa, 1970) Estudou Euskal Filologia na EHU
e logo cursou Literatura Comparada en Italia. O seu currículo abarca
numerosos campos:
En 1990 publicou a colección Le Blist co debuxante Josu Aranbarri, que
recollía poemas e cómics realizados entre 1987 e 1990. Compuxo letras para
músicos coma Mikel Urdangarin, Piztiak, TTLT, Bide Ertzean ou Sagarroi.
Na revista The Balde encárgase da sección de literatura, traducindo textos
de escritores árabes, aborixes dos Estados Unidos e do sur de África.
Tamén traduciu ao euskara poemas de Raymond Carver, Silvia Plath, Anne
Sexton, Manuel Rivas e Wiskawa Szymborska. Canto ao teatro, débeselle
o guión da obra Ekidazu. Lehoiek ez dakite bobolina jotzen (Ekidazu. Os leóns
non saben tocar o violín) escenificada polo grupo teatral Kukubiltxo. Tamén
foi guionista en varios programas televisivos da ETB. Creou o espectáculo
cultural Bar Puerto (posteriormente editado en disco) con Mikel Urdangarin
e Josu Eizagirre, que xunta poesía, vídeo, música e testemuños de varios
personaxes. Ao fío dunha serie de recitais que ofreceu en Nova York,
xurdiu o proxecto Zaharragia, txikiegia again (Vello de máis, pequeno de máis
se cadra), que foi publicado en formato disco-libro. Escribiu tamén ensaio e
gañou dúas veces o premio Becerro de Bengoa, un en 1995 con Jon Elordi
polo traballo Lizardi eta erotismoa (Lizardi e o erotismo) e o segundo no 2000
con Zaszpi leiho, zazpi saio (Sete ensaios, sete fiestras). No referente á literatura
infantil e xuvenil, ten publicado varios libros sobre as andanzas no oeste
americano do pistoleiro Garmendia. Gañou o premio da crítica española
no 2002 por Bitartean heldu eskutik (Entrementres, dáme a man), libro do que
se extraen os seguintes poemas e cuxa versión en inglés foi presentada
recentemente en Canadá e nos Estados Unidos. |
