Prácticas educativas parentais e desenvolvemento en nenas e nenos con idades comprendidas entre os 2 e 3 anos

Abstract

Tendo en conta o papel protagonista da familia como suxeito promotor do desenvolvemento, e polo tanto, como un foco de interese fundamental da orientación educativa na educación infantil, a presente tese “Prácticas educativas parentais e desenvolvemento en nenas e nenos con idades comprendidas entre os 2 e 3 anos”, xurde pola necesidade de afondar nas dimensións educativas que teñen lugar no ámbito familiar nos primeiros anos, e a relación que gardan co desenvolvemento, coa finalidade de potenciar “Programas de Orientación Familiar” como método de promoción da saúde dende idades temperás.