NECeA

 

O grupo de Neurociencia Cognitiva e Afectiva, coordenado por Fernando Cadaveira Mahía, desenvolve a súa actividade no Departamento de Psicoloxía Clínica e Psicobioloxía da Universidade de Santiago de Compostela. Interésase polas bases neurais dos procesos cognitivos e afectivos en poboación normal e de alto risco, coa intención última de transferir coñecemento ao ámbito sanitario. Na actualidade as súas principais liñas de investigación oriéntanse ao estudo dos efectos do consumo intensivo de alcohol en mozos; á caracterización do avellentamento neurocognitivo en poboación sana e ao estudo da interacción entre procesos cognitivos e afectivos. O funcionamento nuerocognitivo investígase desde diferentes niveis de análise mediante o rexistro da actividade eléctrica cerebral (EEG/PE) e a avaliación neuropsicolóxica. Ocasionalmente, tamén utilizamos outras técnicas, MEG, IRM, IRMf, grazas á colaboración con outros laboratorios e, actualmente, co Hospital Clínico Universitario de Santiago de Compostela (CHUS). Recentemente incorporouse a NECEA o equipo de investigación da Dra. Páramo, do dpto de Psicología Evolutiva e da Educación, especializado en adultez emerxente. O grupo NECEA é, a nivel nacional, membro fundador da Red de Neurociencia Cognitiva (RNCC) que inclúe a 18 grupos de universidades españolas. En Galicia forma parte da agrupación de Neurociencia Cognitiva dentro da área de Neurociencias do Instituto de Investigación Sanitaria de Santiago de Compostela (IDIS)

Collections in this community

Recent Submissions

View more





Harvesters:Useful links:
Universidade de Santiago de Compostela | Teléfonos: +34 881 811 000 e +34 982 820 000 | Contact Us | Send Feedback