| Abstract: | A morfoloxía do artigo determinado galego é unha cuestión relevante dende un punto de vista teórico. Como se sabe, ten, aparentemente, tres alomorfos en distribución complementaria, aínda que, algúns autores defenden só a existencia de dous. Este traballo ten por obxectivo facer unha análise historiográfica comparativa do tratamento que se lle deu a longo do tempo a esta unidade nos estudos gramaticais galegos. Con este fin analizaremos un corpus composto por estudos de morfoloxía e gramaticas do galego que abrangue un período relativamente amplo de tempo: dende 1868, cando se publicou a Gramática Gallega de Saco Arce, ata a actualidade, cando foron publicados, por estudiosos como Elisa Fernández Rei, os últimos traballos ao respecto desta cuestión; revisaremos tamén algunhas gramáticas dos dialectos en que se recolle información acerca do fenómeno en cuestión. A partir da análise de todos estes datos, intentaremos mostrar en que consiste o proceso de inserción do artigo e cales son os principais problemas que xorden: identificación e segmentación dos morfos e condicións da selección alomórfica |
