Análise do cambio en tempo aparente do uso da gheada en Lalín: descrición e percepción

Abstract

O traballo ten por obxectivo describir e estudiar a variación e o cambio no emprego das distintas realizacións do fonema /g/ en falantes de tres xeracións na área do concello de Lalín. A gheada é un fenómeno fonético sobre o cal temos constancia nos últimos anos, polos datos que hai, de que se está producindo un cambio lingüístico. Ademáis e unha variante que conta cunha valoración negativa polos propios falantes e pola sociedade galega en xeral, o que tamén contribúe e inflúe na súa desaparición. O estudo deste fenómeno encádrase no marco da investigación do cambio en tempo aparente e parte da documentación, clasificación e análise dun corpus de lingua oral. Os textos analizados obteranse a partir de entrevistas semidirixidas a membros de tres xeracións dunha mesma familia. Para a análise dos datos obtidos empregaranse os principios e ferramentas da sociolingüística variacionista. Os resultados permitirán identificar o cambio xeracional e coñecer a percepción dos falantes respecto do fenómeno estudado